वडगावची शाळा ग्रामीण भागातील सुंदर व उपक्रमशील शाळा-सीईओ सौ. वर्षा ठाकूर यांचे गौरव उदगार

दैनिक चालू वार्ता प्रतिनिधी पेठवडज -बाजीराव गायकवाड

वडगाव:- वडगाव येथील जि.प.प्रा.शाळेस नांदेड जिल्हा परिषदेच्या मुख्य कार्यकारी अधिकारी सौ. वर्षा ठाकूर-घुगे मॅडम व शिक्षणाधिकारी मा.प्रशांत दिग्रसकर सर यांनी आकस्मित भेट देवून शाळेची पाहाणी करुन डिजीटल लॅब चा सविस्तर आढावा घेतला.शिक्षकांनी याचा नियमित वापर करावा व शाळेच्या गुणवत्तेत वाढ करावी असेही त्या म्हणाल्या. याच सोबत मुलींच्या उपस्थिती व गळती बाबत सविस्तर अभिलेखे पाहून शाळेतील इतर उपक्रमाचेही कौतूक केले.ग्रामीण भागातील एक सुंदर व उपक्रमशील शाळेबद्दल शाळेचे मुख्याध्यापक व सर्व शिक्षकांचे कौतुक केले.यावेळी गावचे सरपंच प्रतिनीधी मा.विनायक पा.काळे, शालेय व्यवस्थापन समितीचे अध्यक्ष मा.बालाजी पा.कल्याणकर, तंटामुक्ती अध्यक्ष मा.शंकरराव काळे, चेअरमन माधवराव पा.भवर केंद्रप्रमुख टी.पी.पाटील सर यांनी सौ. वर्षा ठाकूर यांचा व शिक्षणाधिकारी साहेबांचा शाल व पुष्पगुच्छा देवून सत्कार करण्यात आला. तर शाळेच्या वतीने ज्ञानदीप हे पुस्तक मान्यवरांना भेट देण्यात आले. यावेळी मारतळा केंद्राचे केंद्र प्रमुख मा.पाटील टी.पी.सर, शाळेचे मुख्याध्यापक व सर्व शिक्षक उपस्थित होते. यावेळी राजमाता जिजाऊ ग्राम विकास कृतीदलाचे सचीव मा. विकी भवर व अनेक शिक्षण प्रेमी नागरिक ही मोठ्या संख्येने उपस्थित होते.