चंद्रपूर शहरात वाहनांतून पेट्रोल चोरीच्या वाढत्या घटना. !!!!!!       छत्रपती नगरवासियांचे पोलिस निरीक्षकांना निवेदन सादर

दैनिक चालू वार्ता प्रतिनिधी-प्रदिप मडावी

चंद्रपूर

चंद्रपूरातील स्थानिक छत्रपती नगर परिसरात १५ दिवसांत दोनदा चारचाकी वाहनांतून पेट्रोल चोरी झाल्याच्या घटना घडल्या आहे. याचाच अर्थ असा होतो की हे काही एक दोघांचे काम नसून पेट्रोल चोरणारी एक टोळी चंद्रपूर शहरात सक्रिय झालेली आहे. विशेषता छत्रपती नगरातील ( राधेशाम मंदिर, एकता गणेश मंडळ, हनुमान मंदिर ) याच वार्डात १५ दिवसांत अनेक वाहनांतून पेट्रोल चोरी होणे ही अतिशय चिंताजनक बाब झाली आहे. या टोळीत पाच ते सहा जणांचा समावेश असल्याची शक्यता नाकारता येत नाही. चारचाकी वाहनांच्या खालच्या भागातून पेट्रोल पाईप कापून त्यातून पेट्रोल काढल्या जाते. साधारण रात्री २ ते ४ वाजताच्या दरम्यान ही चोरी केल्या जात असावी असा एक नागरिकांचा अंदाज आहे.याच वेळी नागरिक गाढ झोपेत असतात. त्या मुळे ज्या वाहनधारकांच्या वाहनांचे पेट्रोल चोरून नेल्या गेले आहे. त्यांना नाहक मानसिक त्रासाला व आर्थीक नुकसानाला समोर जावे लागत आहे. या टोळीपासून नागरिकांच्या जिवाला धोका देखिल निर्माण होण्याची शक्यता नाकारता येत नाही.

दरम्यान या बाबतीत पोलिस निरीक्षक रामनगर यांना एक निवेदन सादर करण्यात आले आहे. स्थानिक छत्रपती नगरात गस्त लावून या पेट्रोल टोळीला जेरबंद करावे व स्थानिकांना सुरक्षिता प्रदान करण्यात यावी .असे निवेदनात नमुद करण्यात आले आहे.निवेदन देतांना राकेश नाकाडे ,विनोद एडलावार, सचिन चलकलवार, सुमित करपे, पवन कन्नमवार, बादल गोरलावार, अमित बिंकलवार आदीं उपस्थित होते.