दैनिक चालु वार्ता 
दैनिक चालु वार्ता औरंगाबाद उपसंपादक -मोहन आखाडे
औरंगाबादेतील वाळूज भागात एका बंद घरातील स्वयंपाक घरात जमिनीत चादरीमध्ये मिठात पुरलेला अवस्थेत एक मानवी सांगाडा सापडला आहे. त्यावर शेंदूर लावलेले दोन दगड असल्याने हा नरबळी असल्याचा संशय पोलिसांनी व्यक्त केला आहे.
याबाबत सविस्तर माहिती अशी की, वाळूज येथील समता कॉलनीमध्ये राहणारा सूर्यकांत गोरखनाथ शेळके यांनी सात महिन्यांपूर्वी शेळके यांनी काकासाहेब भुईगड (रा. धानोरा, ता. फुलंब्री) यांना तळमजल्यात दोन खोल्या या भाडेतत्त्वावर राहण्यासाठी दिल्या होत्या. भुईगड हे आपली पत्नी आणि दोन मुलींसह राहत होते. मात्र तीन महिन्यांपूर्वी आपण नवरात्रीसाठी गावी जात असल्याचे सांगून भुईगड कुटुंबासोबत निघून गेले होते.
तेव्हापासून शेळके यांनी भुईगड यांना भाडे कधी देणार या बाबत अनेकदा फोन केले. मात्र, त्यांनी त्यांना काहीच उत्तर दिले नाही. आणि नंतर नंतर तर शेळके यांचे फोन उचलणे सुध्दा बंद केल्यावर त्यांनी त्यांच्या गावी देखील चौकशी करण्याचा प्रयत्न केला. मात्र, त्यांना काहीची माहिती मिळाली नाही. त्यामुळे त्यांनी त्यांच्या खोलीचे कुलूप तोडले. दार उघडल्यावर त्यांना मोठा धक्का बसला. घरात सामान त्यांना दिसले नाही. तसेक स्वयंपाक घरात ओट्या जवळ त्यांना खोदकाम करून त्या ठिकाणी त्यांना शेंदूर लावलेले दोन दगड आणि लिंबू ठेवलेले त्यांना दिसले.
त्यांना संशय आल्याने, त्यांनी त्या ठिकाणी खोदकाम केले असता त्या ठिकाणी प्लॅस्टिक पिशवीत मिठात गुंडाळलेल्या अवस्थेत असलेला मानवी सांगाडा त्यांना दिसला. त्यांनी याची माहिती तात्काळ वाळूज पोलिसांना दिली. घटनास्थळी दाखल होऊन वाळूज पोलिसांनी पंचनामा केला. हा सांगाडा फॉरेन्सिक तपासणीसाठी पाठवण्यात आला आहे. तपासणीनंतर हा सांगाडा पुरुषाचा आहे की महिलेचा हे कळणार आहे.
