विद्यार्थ्यांसह पालकांनी घेतला आनंद

दैनिक चालु वार्ता प्रतिनिधी मंठा-

मंठा तालुक्यातील केहाळ वडगाव

येथील जिल्हा परिषद शाळेत पालक मेळाव्यासह बाल आनंद मेळाव्याचे आयोजन करण्यात आले होते. या आनंद सोहळ्याचा विद्यार्थ्यांसह पालक व ग्रामस्थांनी आनंद घेतला.

आनंद मेळाव्यात विद्यार्थी-विद्यार्थिनींनी अतिशय उत्साहाने खूप छान छान चविष्ट व चटकदार खाद्यपदार्थ बनवून आणले होते. स्टॉलची मांडणी करून विविध पदार्थांची विक्री, खरेदी व विविध पदार्थांचा आस्वाद घेण्याचा आनंद मुलांनी व पालकांनी घेतला.

सकाळी मान्यवरांच्या हस्ते बाल आनंद मेळाव्याचे उद्घाटन करण्यात आले. मान्यवरांचे स्वागत मुख्याध्यापक एस. एन. चरकेवाड व शिक्षक भुसकूटे सर कांबळे सर यांनी केले.

विद्यार्थ्यांच्या दैनंदिन जीवनातील मनावरील असलेला अभ्यासक्रमाचा मानसिक ताण तणाव दूर करुन विरंगुळा मिळावा व त्यांच्यातील अंगीकृत कलागुणांना वाव देता यावा या उद्देशाने दरवर्षी आनंद मेळाव्याचे आयोजन केले जाते.