मलकापूर कृषी उत्पन्न बाजार समिती मध्ये तुर बे भाव खरेदी विक्री   स्वाभिमानीचा विरोध 

दैनिक चालु वार्ता मलकापूर/प्रतिनिधी:- तुर खरेदीला मार्केटमध्ये दोन दिवसा अगोदर 7200 ते 7600 चा भाव होता आज अचानक मार्केटमध्ये तुरीची आवक वाढल्याने कृषी उत्पन्न बाजार समितीचे अडते व्यापारी यांनी बेभाव 6000 पासून बोली लावणे सुरू केली खामगाव मार्केटला आजचा तुरीचा भाव 7500 रु असून मलकापूर कृषी उत्पन्न बाजार समितीला बे भाव बोली लावत आहे शेतकऱ्यांनी वारंवार विचारणा करून तेथील अधिकारी कर्मचारी कोणीच बोलायला तयार नव्हते शेवटी स्वाभिमानी शेतकरी संघटनेचेचे नेते रविकांत तुपकर यांच्याशी संपर्क केला त्यानंतर स्वाभिमानीचे सचिन शिंगोटे मार्केटमध्ये जाऊन अधिकाऱ्यांना विचारणा केली कोणीच बोलायला तयार नव्हते शेवटी शेतकऱ्यांना घेऊन राष्ट्रीय महामार्ग 6 वर रस्ता रोको करण्यात आला त्यावेळी हजारो शेतकरी तेथे उपस्थित होते. नंतर पोलीस अधिकारी मलकापूर शहरचे ठाणेदार अशोक रत्नपारखी यांनी शेतकरी व उत्पन्न बाजार समिती कमिटी सोबत चर्चा करून मार्ग काढू तोपर्यंत रस्ता मोकळा करा असा आवाहन शेतकऱ्यांना व स्वाभिमानी शेतकरी संघटनेला केले त्यावेळी स्वाभिमान शेतकरी संघटनेचे तालुकाध्यक्ष सचिन शिंगोटे, जिल्हाध्यक्ष अमोल राऊत, पक्षाचे तालुका अध्यक्ष निलेश नारखेडे, शिवाजी हिवाळे, अजय बावस्कर उपस्थित होते.

नंतर मार्केट कमिटी सोबत चर्चा करताना राष्ट्रवादीचे नेते संतोष रायपुरे, बाळू पाटील, काँग्रेसचे नेते, बंडू चौधरी, राजू पाटील प्रवीण पाटील, शेतकरी नेते दामोदर शर्मा, रंजीत डोसे मार्केट सचिव जाधव, मार्केटचे व्यापारी व शेतकरी असंख्य शेतकरी हे हजर होते या सर्वांच्या चर्चेनंतर पुन्हा खरेदीची सुरवात 7200 पासून बोली सुरु झाली व शेतकऱ्यात आनंदाचे वातावरण तयार झाले पुन्हा कृषी उत्पन्न बाजार समितीने बे भाव खरेदी केल्यास कृषी उत्पन्न बाजार समितीवर यापेक्षाही मोठे आंदोलन करण्यात येईल असा दम स्वाभिमानी शेतकरी संघटनेच्या वतीने देण्यात आला‌.