राष्ट्रवादी काँग्रेसचे जिल्हा अध्यक्ष अॅड. राजेश्वर चव्हाण यांची लागली वर्णी

दैनिक चालु वार्ता बीड जिल्हा प्रतिनिधी-बालाजी देशमुख

बीड/अंबाजोगाई–अंबाजोगाई येथील कृषी उत्पन्न बाजार समितीच्या सभापतीपदी बीड – जिल्हा राष्ट्रवादी काँग्रेसचे अध्यक्ष अॅड. राजेश्वर चव्हाण यांची तर उपसभापतीपदी लक्ष्मण करनर यांची बिनविरोध निवड करण्यात आली.दरम्यान, निवडी जाहीर होताच सभापतीपदाचे प्रबळ दावेदार असणारे राष्ट्रवादीचे ज्येष्ठ नेते दत्तात्रय पाटील यांनी संचालक पदाचा राजीनामा दिला बीड जिल्हयातील सगळ्यांचे लक्ष लागलेल्या अंबाजोगाई कृषी उत्पन्न बाजार समिती निवडणुकीमध्ये महाविकास आघाडी पुरस्कृत पॅनलने घवघवीत यश संपादन करत 18 पैकी 15 जागेवर विजय मिळवला. त्यानंतर उत्पन्न बाजार समिती सभापती कोण विराजमान होणार तसेच आ. धनंजय मुंडे कोणाला संधी देणार याकडे सर्वाचे लक्ष लागले होते. या निवणुकीच्या सुरुवातीपासूनच सभापतीपदासाठी अंबाजोगाई सहकारी साखर कारखान्याचे व्हाइस चेअरमन दत्तात्रय पाटील यांचे नांव निश्चित झाल्याची चर्चा होती. संबंधित पॅनल प्रमुखांनी त्यांना तसे अश्वस्त ही केले केले असल्याची चर्चा होती. आज सभापती ब उपसभापती पदाची उमेदवारी घोषित होईपर्यंत दत्ताआंबा पाटील हेच सभापती होणार असे संकेत मिळत होते.

मात्र सभापती निवडीसाठीची बैठक सुरु होताच ऐनवेळी अॅड. राजेश्वर चव्हाण यांचे नांव निश्चित झाल्याचा फतवा पक्षश्रेष्ठींनी पाठवला आणि सभापतीपदी अॅड. राजेश्वर चव्हाण यांचे तर उपसभापती पदी लक्ष्मण करनर यांचे नाव निश्चित होवून निवडणूक अधिकारी व्ही. एल पोतंगले यांनी या दोघांची निवड जाहीर केली. दरम्यान, अँड. राजेश्वर चव्हाण यांची सभापतीपदी निवड करून विधान परिषदेचे माजी सदस्य संजय दौड यांनी आपल्या जुन्या पट्टीवडगाव जि. प. मतदार संघातील प्रबळ प्रतिस्पर्धी केला असल्याची चर्चा होत आहे.अॅड. राजेश्वर चव्हाण यांची अंबाजोगाई कृषी उत्पन्न बाजार समितीचे सभापती पदी तर उपसभापतीपदी लक्ष्मण करनर यांची निवड माजी मंत्री आ. धनंजय मुंडे यांच्या शिफारशीनुसार करण्यात आली असल्याचे समजते.