कर्नाटक विधानसभेतील विजयाचा गंगाखेड येथे आनंदोत्सव साजरा.

दैनिक चालु वार्ता प्रतिनिधी गंगाखेड-प्रेम सावंत 

गंगाखेड : शहरातील डॉ.बाबासाहेब आंबेडकर चौकात कर्नाटक विधानसभेत कॉंग्रेस पक्षाला स्पष्ट बहुमत मिळाले.या विजयाचा गंगाखेड येथे कॉंग्रेस आणि मित्रपक्षांच्या वतीने आनंदोत्सव साजरा करण्यात आला.

यावेळी कार्यकर्त्यांनी एकमेकांना पेढे भरवून आणि फटाक्यांची आतीषबाजी करत हा आनंदोत्सव साजरा करण्यात आला.

कर्नाटक विधानसभेतील निवडणूकीचा निकाल शनिवार दिनांक 13 मे 2023 रोजी घोषित करण्यात आला. दुपारनंतर कॉंग्रेसचे बहुमत सिद्ध झाले या नंतर गंगाखेड शहरातील भारतरत्न डॉ. बाबासाहेब आंबेडकर यांच्या पुतळ्याजवळ महाविकास आघाडीचे प्रमुख पदाधिकारी जमा झाले. ‘कर्नाटक तो झाकी है, सारा भारत अभी बाकी है,’ अशा घोषणा देत महाविकास आघाडीच्या विजयाच्या घोषणाही यावेळी देण्यात आल्या. एकमेकांना पेढे भरवत फटाक्यांची आतिषबाजी करण्यात आली.

कर्नाटक विधानसभेतील विजयामुळे कार्यकर्त्यांमध्ये उत्सहाचे वातावरण असून आत्मविश्वास वाढला असल्याच्या भावना याप्रसंगी पदाधिकाऱ्यांनी व्यक्त केल्या.

शिवसेना(उध्दव बाळासाहेब ठाकरे) उपजिल्हाप्रमुख विष्णू मुरकुटे, कॉंग्रेसचे तालुकाध्यक्ष गोविंद यादव, शिक्षकसेना राज्य सचिव बाळासाहेब राखे, राष्ट्रवादी काँग्रेस पक्षाचे तालुकाध्यक्ष माधव भोसले, विधानसभा अध्यक्ष श्रीकांत भोसले, माजी नगरसेवक राजकुमार सावंत, लिंबाजी देवकते, शिवसेना शहरप्रमुख जितेश गोरे, युवासेनेचे संदिप राठोड, माजी नगरसेवक प्रमोद मस्के, युवक कॉंग्रेसचे राज्य सचिव सिद्धार्थ भालेराव, बंडू ओझा, डॉ. देविदास चव्हाण, दत्तराव भोसले, दत्तराव भिसे, अजीज भाई, भीमराव बिलापट्टे दादा, राजू घोगरे, सुरेश साळवे, मोहन खोले, यांच्यासह महाविकास आघाडीचे पदाधिकारी मोठ्या संख्येने उपस्थित होते.