तेलंगवाडी नगरीत गावकऱ्यांच्या वतीने श्री.श्री. श्री.१००८ मह़ंत आष्टवक्र प्रयागगिरीजी महाराज यांचे जंगी स्वागत..!

दै.चालु वार्ता
उस्माननगर प्रतिनिधी लक्ष्मण कांबळे
नांदेड / उस्माननगर :– कंधार तालुक्यातील उस्माननगर येथे दि.२२जानेवारी रोजी सायंकाळी सहा वाजता गावकऱ्यांच्या वतिने सुरेश मामा बास्टे यांच्या श्री अदिराज कृषी दुकाना समोर प .पू. सद्गुरू श्री.श्री. श्री. १००८ श्री . अजिवन सन्मानित महंत आष्टवक्र स्वामी प्रयागगिरीजी महाराज यांचे फटाक्यांची आतिषबाजी करून गावकऱ्यांच्या वतीने सुरेश मामा बास्टे यांनी पुष्पमाला अर्पण जंगी स्वागत केले. तर तेलंगवाडी येथील महिला भगिनींनी व पुरुषांनी प्रयागगिरीजी महाराज यांचे जागो जागी पुष्पवृष्टी करून जंगी स्वागत केले.

कंधार तालुक्यातील तेलंगवाडी येथे दरवर्षी प्रमाणे याहीवर्षी अखंड हरिनाम सप्ताह व श्री. ज्ञानेश्वरी पारायण सोहळ्याचे आयोजन करण्यात आले आहे. त्यानिमित्त प.पू. सद्गुरू श्री.श्री.श्री.१००८ श्री. अजिवन सन्मानित महंत आष्टवक्र स्वामी प्रयागगिरीजी महाराज यांचे कापशी गोळेगाव , शिराढोण व उस्माननगर मार्गे तेल़ंगवाडी कडे मार्गस्थ होत असताना उस्माननगर येथे तेलंगवाडी व उस्माननगर येथील भक्तानी पुष्पहार अर्पण करून दर्शन घेतले यावेळी भक्त मंडळाकडून महाराजाचे स्वागत करण्यासाठी भव्य मोटारसायकल रॅली काढण्यात आली व महाराजांचे आगमन होताच फटक्याची आतषबाजी करून महाराजाचे जंगी स्वागत उस्माननगर येथील श्री अदिराज कृषी दुकाना समोर तेलंगवाडीचे सरपंच तथा सामाजिक कार्यकर्ते सुरेश मामा बास्टे व तेलंगवाडी येथील भक्त मंडळी व उस्माननगर येथील भक्त मंडळीकडून आणि गावकऱ्यांच्या वतीने पुष्पमाला अर्पण करून जंगी स्वागत करण्यात आले.

त्यानंतर उस्माननगर येथून तेलंगवाडी येथे प्रस्थान होताच गावक-यांच्या वतीने गावातील प्रमुख रस्त्याने मिरवणूक काढण्यात आली.यावेळी गावातील महीलांनी जागोजागी सडा टाकुन व सुंदर रांगोळी काढुन आणि जागोजागी सद्गुरू महंत महाराज यांचे पुष्पवृष्टी करून जंगी स्वागत करण्यात आले. यावेळी गावातील लहान थोर महीला पुरुष मोठ्या संख्येने उपस्थित होते.