दै चालु वार्ता 
दैनिक चालु वार्ता वर्धा उपसंपादक – अवधूत शेंद्रे
—————————————-
वर्धा – आष्टी :-वरुड – आर्वी एस. टी.बस साहूर नजीकच्या टोल नाक्यावर अपघात झाला सदर बस वरुड आगाराची होती टोल नाक्यावर स्टेअरिंग लॉक झाल्याने बसला अपघात झाला असे प्रथमदर्शनी म्हटल्या जाते सुदैवाने जीवित हानी टळली मात्र बस मधील प्रवासी किरकोळ जखमी झाले आहेत
सविस्तर वृत्त असे की वरुड वरून आर्वीला जाणाऱ्या एम एच ४०,९१२५ क्रमांकाची बस वरुड वरून आर्वी येथे प्रवासी घेऊन जात होती या बस मध्ये एकूण सात प्रवासी होते वरुड आर्वी मार्गावर साहूर द्रुगवाड्याच्या मध्यभागी उभारलेल्या टोल नाक्याजवळ बस आली असताना बसचे स्टेअरिंग अचानक लॉक झाल्याने बस टोल नाक्यात घुसली बस चालक डी.एन.राऊत यांनी बस कंट्रोल करण्याचा प्रयत्न केला असता मात्र स्टेरिंग लॉक झाल्याने काहीच करता आले नसल्याने बस टोल नाक्याच्या दुभाजकावर जाऊन आदळली बस मधील सर्व प्रवासी सुखरूप असून कोणत्याही प्रवाशाला गंभीर दुखापत झालेली नाही हे विशेष अनेक डेपोत पन्नास वर्षांपूर्वीच्या जुन्या भंगार गाड्या असल्याने ब्रेक फेल होणे किंवा स्टेरिंग लॉक होणे हे नित्याचे झाले असून या भंगार बसेस मुळे नेहमीच छोटे-मोठे अपघात सुरूच असतात त्यामुळे होणारे अपघात हा चिंतेचा विषय असून शासनाने याकडे जातीने लक्ष घालून नवीन बसेसचा भरणा करावा असे मत ड्रायव्हर कंडक्टर सह प्रवाशांनी व्यक्त केले यावेळी वाहक म्हणून एस. एम.बुरे हे सेवेवर होते अपघात होताच एसटी बस चालक डी.एन. राऊत यांनी आष्टी पोलीस स्टेशनला जाऊन तक्रार दिली वृत्त लिहीस्तोवर पोलीस घटनास्थळी पोहोचले नव्हते
प्रतिक्रिया
वरुड डेपोचा चालक लीलाधर गहाणे, धाडी घाटात अपघात ज्या महिला ड्रायव्हरने अपघात घडवला ती महिला चालक आणि हा एन.डी. राऊत अश्या गंभीर चुका करणाऱ्या चालकांना आर्वी मार्गांवर कर्तव्यावर पाठवून प्रवाशांचा जीव धोक्यात घालू नये त्यांच्यावर उचित कारवाई करण्यात यावी असे माझे स्पष्ट मत आहे
राजेंद्र नेहारे
धाडी (साहूर )
