दै चालु वार्ता 
भारताच्या ‘शत्रू’वर ट्रम्प यांची वक्रदृष्टी; फास आवळण्याची तयारी…
अमेरिकेचे राष्ट्राध्यक्ष डोनाल्ड ट्रम्प यांनी नेहमीच हास्यास्पद विधाने करणाऱ्या भारताच्या ‘शत्रू’वर कारवाई करण्याची तयारी केली आहे. भारतातील सत्ताधारी भारतीय जनता पक्ष, BJP, अमेरिकन अब्जाधीश जॉर्ज सोरोस यांच्यावर काँग्रेसशी संगनमत असल्याचा आरोप सातत्याने करत आहे.
भारतातील लोकशाही व्यवस्था कमकुवत करण्याचा कट रचणाऱ्यांमध्ये जॉर्ज सोरोस यांचाही समावेश असल्याचे भाजपचे म्हणणे असून आता हेच जॉर्ज सोरोस अमेरिकेचे अध्यक्ष डोनाल्ड ट्रम्प यांचेही लक्ष्य बनले आहेत.
होय, भारताविरुद्ध अनेकदा गरळ ओकणारे जॉर्ज सोरोस यांचे दिवस आता संपणार आहेत. डोनाल्ड ट्रम्प यांची आता भारतविरोधी जॉर्ज सोरोसवर वक्रदृष्टी पडली आहे. ट्रम्प यांनी जॉर्ज सोरोस आणि त्यांच्या मुलावर कारवाई करण्याचे आदेश दिले आहेत.
भारताच्या शत्रूवर ट्रम्प यांची वक्रदृष्टी
अमेरिकेचे राष्ट्राध्यक्ष डोनाल्ड ट्रम्प यांनी जॉर्ज सोरोस आणि त्यांच्या मुलावर अमेरिकेतील हिंसक निदर्शनांना पाठिंबा दिल्याचा आरोप केला आहे. एवढेच नाही तर त्यांनी त्यांच्याविरुद्ध फौजदारी खटला चालवण्याची मागणी केली आहे. ट्रम्प म्हणाले की, जॉर्ज सोरोस आणि त्यांचा आश्चर्यकारक कट्टरपंथी डाव्या विचारसरणीचा मुलगा ॲलेक्स यांच्यावर हिंसक निदर्शने आणि इतर अनेक गोष्टींना पाठिंबा दिल्याबद्दल RICO मध्ये आरोप लावावेत.
ट्रम्प म्हणाले की, अब्जाधीश फायनान्सर आणि डेमोक्रॅटिक पक्षाचे देणगीदार जॉर्ज सोरोस आणि त्यांच्या मुलावर RICO कायद्याअंतर्गत (रॅकेटियर इन्फ्लुएन्स्ड अँड करप्ट ऑर्गनायझेशन्स ॲक्ट) खटला चालवावा.
RICO कायदा काय आहे?
रॅकेटियर प्रभावित आणि भ्रष्ट संघटना म्हणजे RICO कायदा एक अमेरिकन कायदा आहे, जो 1970 मध्ये लागू करण्यात आला होता. या कायद्याचा उद्देश माफिया, टोळ्या किंवा बेकायदेशीर व्यावसायिक गटांसारख्या संघटित गुन्हेगारीला प्रतिबंध करणे असून हा कायदा ड्रग्ज, खून किंवा लाचखोरीसारख्या गुन्हेगारी कारवायांमध्ये सहभागी असलेल्या संघटनांचा भाग असलेल्या लोकांना शिक्षा करतो. RICO अंतर्गत गुन्हेगारांना दीर्घ शिक्षा आणि मोठा दंड होऊ शकतो, जे संघटित गुन्हेगारी कमी करण्यास मदत करते.
जो बायडनकडून सन्मानित
जॉर्ज सोरोस यांनी 2023 मध्ये त्यांच्या संघटनेची सूत्रे त्यांचा मुलगा ॲलेक्स सोरोसकडे सोपवली. 2024 च्या निवडणुकीत ॲलेक्स ट्रम्प यांच्या डेमोक्रॅटिक प्रतिस्पर्धी कमला हॅरिस यांचे समर्थक होते तर माजी राष्ट्राध्यक्ष जो बायडन यांनीही लोकशाही, मानवी हक्क आणि शिक्षणाला प्रोत्साहन देणाऱ्या जॉर्ज सोरोस यांना पद सोडण्यापूर्वी ‘प्रेसिडेंशियल मेडल ऑफ फ्रीडम’ देऊन सन्मानित केले.
