🗞️🔥धाराशिव जिल्ह्यात राजकीय चर्चांना ब्रेक ! 🔥🗞️ आ. तानाजी सावंत यांच्या भेटीच्या चर्चा निव्वळ अफवा – ठाकरे गटाचा स्पष्ट इन्कार

दैनिक चालू वार्ता उप संपादक धाराशिव-नवनाथ यादव

धाराशिव | प्रतिनिधी

आगामी जिल्हा परिषद निवडणुकीच्या पार्श्वभूमीवर धाराशिव जिल्ह्यात सुरू असलेल्या राजकीय हालचालींमध्ये आता मोठा ट्विस्ट आला आहे.

दोन्ही शिवसेना एकत्र येण्याबाबत सुरू असलेल्या चर्चांवर ठाकरे गटाने ठाम शब्दांत पडदा टाकला आहे.

🛑 भेटीच्या चर्चा फेटाळल्या

शिवसेना (ठाकरे गट) जिल्हा प्रवक्ते तानाजी जाधवर यांनी स्पष्टपणे सांगितले की—

“आमदार तानाजी सावंत यांच्यासोबत कोणतीही भेट झालेली नाही.

या संदर्भातील सर्व चर्चा निव्वळ अफवा आहेत.”

त्यांनी पुढे ठाम भूमिका मांडत सांगितले की—

“सध्या सत्ताधारी असलेल्या कोणत्याही घटक पक्षाशी आमची आघाडी होणार नाही.

त्यामुळे शिंदे सेनेसोबत जाण्याचा प्रश्नच उद्भवत नाही.”*मित्र पक्षांबरोबरच चर्चा सुरू

प्रवक्ते तानाजी जाधवर यांनी हेही स्पष्ट केले की,

शिवसेना (ठाकरे गट) फक्त मित्र पक्षांबरोबरच आघाडी करण्याच्या दृष्टीने चर्चा करत आहे, मात्र सत्ताधारी गटाशी कोणतीही जवळीक नाही*

राजकीय वातावरण तापले, पण चित्र स्पष्ट

गेल्या काही दिवसांपासून खासदार ओमरजे निंबाळकर, आमदार कैलास पाटील आणि शिंदे गटाचे आमदार तानाजी सावंत यांच्यात जवळीकता झाल्याच्या चर्चा रंगल्या होत्या.

मात्र आता ठाकरे गटाकडून आलेल्या या अधिकृत स्पष्टीकरणामुळे राजकीय अफवांना पूर्णविराम मिळाल्याचे चित्र आहे.

🔥धाराशिवच्या राजकारणात तरीही उत्सुकता कायम

जिल्हा परिषद निवडणुकीच्या पार्श्वभूमीवर राजकीय वातावरण तापलेले असतानाच,

कोण कोणाबरोबर जाणार, कुठे आघाडी होणार, हे चित्र आता अधिक स्पष्ट होत असले तरी पुढील काही दिवसांत नवीन राजकीय समीकरणे उभी राहण्याची शक्यता नाकारता येत नाही.