राज्यसह शिरूर तालुक्यात नवीन मतदान नोंदणी, पत्ते बदलणे, नावात दुरुस्ती, नाव वगळण्या साठी विशेष मोहीम…

दैनिक चालू वार्ता 

इंद्रभान ओव्हाळ शिरूर प्रतिनिधी
शिरूर दिनांक २८ जून राज्यात सर्वत्र नवीन मतदान नोंदणी, पत्ते बदलणे, नाव वगळण्यासाठी विशेष मोहीम जिल्हा प्रशासनाने सुरू केली आहे २५ जून पासून सुरू केली आहे. महिनाभर ही मोहीम सुरू राहणार आहे. 20 ऑगस्टला अंतिम मतदार यादी जाहीर होणार असून, शिरूर तालुका व शिरूर विधानसभेतील मतदाराने या मोहिमेचा लाभ घ्यावा असे आव्हान शिरूर चे तहसीलदार बाळासाहेब म्हस्के यांनी केले आहे .
लोकसभा निवडणुकीतील मतदार यादीसह मतदान केंद्रातील घोळ समोर आल्यानंतर केंद्रीय निवडणूक आयोगाने आता महाराष्ट्रातील आगामी विधानसभा निवडणुकीसाठी मतदान नोंदणी वर लक्ष केंद्रित केले आहे.
केंद्रीय निवडणूक आयोगाने मतदान नोंदणी पासून ते पत्ता बदलण्यासाठी विशेष मोहीम राबवण्याची सूचना राज्य निवडणूक आयोगाला दिले आहे. त्यानुसार जिल्हा प्रशासनाने जिल्हाधिकारी कार्यालयात सर्व राजकीय पक्षांच्या प्रतिनिधीची सोमवारी बैठक घेतली या बैठकीनंतर मतदार नोंदणीसाठीच्या उपाय योजना ची माहिती जिल्हाधिकारी डॉ. सुहास दिवसे यांनी दिली .
यावेळी उपजिल्हा निवडणूक अधिकारी मीनल कळसकर उपस्थित होत्या. विधानसभेच्या निवडणुकीसाठी मतदानाचा हक्क बजावता यावा यासाठी मंगळवारपासून पुणे जिल्ह्यात नव मतदारांना नाव
नोंदणी करता येणार आहे. पत्ता बदलणे नाव वगळणे तसेच मतदान ओळख पत्रावरील जुना फोटो असेल तर नवा फोटो देऊन ‘ इपिक ‘ कार्ड नवे मिळवणे शक्य होणार आहे. आज पासून शहरासह जिल्ह्यात मतदान केंद्रस्तरीय अधिकारी घरोघरी जाऊन नव मतदार , पत्ता बदलणे, मयताचे नाव वगळण्याबाबत सर्वेक्षण करणार आहेत २४ जुलै पर्यंत मतदान नोंदणी करता येईल.