दै चालु वार्ता 
धनश्री वर्माला सोडणार, 4 वर्षांचा संसार मोडणार
भारतीय क्रिकेटपटूहार्दीक पाड्या आणि त्याची पत्नी नताशा यांचा काही दिवसांआधी घटस्फोट झाला. हार्दीकच्या घटस्फोटानंतर सगळ्यांनाच धक्का बसला. हार्दीकनंतर भारतीय संघातील आणखी एक क्रिकेटपटूचा घटस्फोट झाला आहे अशा चर्चा सुरू आहेत.
भारतीय क्रिकेटपटू युझवेंद्र चहल आणि त्याची पत्नी धनश्री वर्मा हे वेगळे होत असल्याची माहिती समोर येत आहे. पण या चर्चा नेमक्या का सुरू झाल्या आहेत? त्याच कारण काय? पाहूयात.
युझवेंद्र याने 22 डिसेंबर 2020 रोजी धनश्री वर्मासोबत लग्न केले होते. गेल्या 22 डिसेंबरला त्यांच्या लग्नाला 4 वर्षे पूर्ण झाली. लॉकडाऊनमध्ये दोघांनी लग्न केले. धनश्री अनेकदा तिच्या व्हिडिओ आणि फोटोंमुळे सोशल मीडियावर वर्चस्व गाजवते. त्याचवेळी चहलही त्याच्या क्रिकेटवर लक्ष केंद्रित करताना मित्रांसोबत फिरताना दिसत आहे. आता दोघांच्या विभक्त झाल्याच्या बातम्याही पसरत आहेत.
खरं तर, त्यांच्या लग्नाला 4 वर्षे पूर्ण झाल्यानंतर, ते इन्स्टाग्रामवर एकमेकांना शुभेच्छा देताना दिसले नाहीत. त्यांनी कोणताही फोटो पोस्ट केला नाही किंवा प्रेम व्यक्त केलं नाही. यामुळे चाहत्यांच्या मनात शंका निर्माण होत आहेत. दोघांमध्ये काही तरी बिनसलं असून ते वेगळे होणार आहेत अशा चर्चा रंगू लागल्या आहेत.
भारताचा फिरकीपटू युझवेंद्र चहल आणि कोरिओग्राफर धनश्री वर्मा बऱ्याच दिवसांपासून एकमेकांसोबत दिसत नाहीत. दोघांमधील एकही फोटो पोस्ट करण्यात आलेला नाही. दोघांमधील अंतर वाढत असल्याच्या बातम्या अलीकडे येत आहेत. आता अशा परिस्थितीत दोघेही लवकरच घटस्फोटाच्या विषयावर चर्चा करू शकतात. मात्र, याबाबत अद्याप कोणतीही अधिकृत घोषणा किंवा प्रतिक्रिया आलेली नाही.
चहलची पत्नी धनश्री अनेकदा लोकांसोबत डान्स करताना दिसते. ती व्यवसायाने मॉडेल आणि कोरिओग्राफर आहे. त्याची पोस्ट कधी भारतीय क्रिकेटर श्रेयस अय्यरसोबत दिसते, तर कधी दुसऱ्या व्यक्तीसोबत शेअर केली जाते. या पोस्ट्स पाहिल्यानंतर चाहते त्यावर कमेंट करण्यास मागेपुढे पाहत नाहीत. लोक त्याला खूप ट्रोल देखील करतात. याआधीही चल आणि धनश्रीच्या घटस्फोटाबाबत अनेकदा अफवा पसरवण्यात आल्या आहेत.
धनश्री वर्माच्या मीडिया लाइमलाइटमध्ये येण्यामागे युझवेंद्र चहलच कारणीभूत ठरला. दोघांचे लग्न झाले तोपर्यंत चहल भारतीय संघाचा आघाडीचा फिरकीपटू बनला होता आणि त्याची सर्वत्र चर्चा होत होती. चहलची पत्नीही अनेक ब्रँडच्या जाहिराती करताना दिसत आहे. त्याचा तेलुगु चित्रपटही लवकरच येत आहे. धनश्री वर्मा तिच्या आगामी सिनेमासाठी खूप मेहनत घेत आहे.
