आता निवडणुकीची आतुरता

दैनिक चालू वार्ता नांदुरा प्रतिनिधी -किशोर वाकोडे

नांदुरा: दि.८. स्थानिक स्वराज्य संस्थांच्या निवडणुकांसाठी न्यायालयाने आदेश देत लवकरात लवकर निवडणुका घेण्याचा आदेश दिला आहे.यामुळे राज्य निवडणूक विभाग खडबडून जागा झाला असून आज जिल्हाधिकाऱ्यांनी देखील कामाला लागायचं सूचना जिल्हा विभागाला केल्या आहेत.न्यायालयाच्या आदेशाची दखल घेत राज्य निवडणूक आयोग नगरपालिका आणि जिल्हा परिषद निवडणुकांच्या पूर्वतयारीला लागलाआहे.

सुप्रीम कोर्टाने ४मे रोजी दे धक्का दिला. राज्य आयोग आला दोन आठवड्यात निवडणूक कार्यक्रम जाहीर करण्याचे आदेश दिले.यामुळे ऍक्टिव्ह मोडवर आलेल्या आयोगाने जिल्हाधिकारी व निवडणूक विभागाला तात्काळ खलीता धाडला. १९ मार्च २०२२ रोजी च्या अधिनियम मधील सुधारणा अस्तित्वात येण्यापूर्वी 10 मार्च रोजी असलेली (तयार करण्यात आलेली) प्रभाग रचना कार्यवाही ज्या टप्प्यावर होती ते च धरून कार्यवाही सुरू ठेवावी. नकाशे गुगल नकाशावर इम्पोज करावे आणि जनगनेची आकडेवारी लिंक असे निर्देश आयोगाने दिले. तसेच अधिकारी व कर्मचाऱ्यांना मुंबईस्थित आयोगाच्या कार्यालयात पाचारण केले. त्यामुळे अधिकारी व कर्मचारी मुंबईला रवाना झाले आहे.सोबत कागदपत्रे जनगणना, आकडेवारी नगरपालिका, जिल्हा परिषद, पंचायत समित्यांची गट, गण यांची गाव निहाय माहिती नकाशे घेऊन मुंबईला रवाना झाली आहे.त्यामुळे राज्य सरकारची चिंता व चिंतन ग्रस्त असताना आयोग व यंत्रणा मात्र कामाला भिडल्याचे मजेदार चित्र आहे. दुसरीकडे निवडणुकीसाठी बाशिंग बांधून तयार असलेली मंडळी निवडणुकीची आतुरतेने वाट पहात आहे.