दैनिक चालु वार्ता 
दैनिक चालू वार्ता नांदेड जिल्हा प्रतिनिधी-समर्थ दादाराव लोखंडे
============================
दिनांक : 25 ऑगस्ट 2022 गुरुवारी जि .प . प्रा . शा .दगडगाव कें . शेवडी बा . येथे केंद्रप्रमुख श्री नागोराव जाधव यांच्या अध्यक्षतेखाली शेवडी केंद्रातील सर्व शिक्षकांची शैक्षणिक वर्षातील तिसरी शिक्षण परिषद उत्साहात आणि आनंददायी वातावरणात पार पडली. याप्रसंगी प्रमुख पाहुणे म्हणून लोहा तालुक्याचे कर्तव्यदक्ष गटशिक्षणाधिकारी मा . रविन्द्रजी सोनटक्के साहेब , विषय शिक्षक श्री रामदास कस्तुरे , विषय शिक्षक श्री किरवले सर, शा . व्य . स. अध्यक्ष श्री बळीराम मुदगुले ,उपाध्यक्ष श्री दत्ता उराडे तसेच शेवडी बा. चे केन्द्रिय मुख्याध्यापक श्री नरवाडे सर , प्रमुख पाहुणे म्हणून व्यासपीठावर विराजमान होते.
क्रांतीज्योती सावित्रीबाई फुले यांच्या प्रतिमा पूजनाने व दीपप्रज्वलन करून कार्यक्रमाची सुरुवात करण्यात आली . कार्यक्रमाच्या सुरवातीलाच दगडगाव शाळेच्या मुलींनी उत्कृष्ट स्वागत गीत व देशभक्तीपर गीतांचे सुंदर सादरीकरण करून उपस्थिताना आंनदीत केले . जि . प . प्रा. शा .दगडगाव चे मु. अ . श्री अशोक राऊत सर यांनी प्रस्ताविक पर भाषणात शाळेची सांख्यिकी व राबविले जाणारे उपक्रमाविषयी माहिती दिली .
मा . ग. शि . अ . श्री सोनटक्के साहेबानी प्रशासकिय आढावा घेऊन गुणवतापुर्ण शिक्षणासाठी विद्यांजली नोंदणी , आधार अपडेट , अल्पसंख्याक शिष्यवृत्ती , मोफत गणवेश , उपस्थिती भत्ता वाटप , शा. पो . आ . , मूल्यमापन नोंदी , भाषा पेटी , गणित पेटी वापर अश्या विविध विषयावर सविस्तर मार्गदर्शन केले .
त्यानंतर शिक्षण परिषेदेमध्ये नियोजित विषयानुसार खडकमांजरी शळेच्या सहशिक्षिका सौ . गुंडाळे यांनी निपुण भारत अंतर्गत महत्वाच्या सर्व मुद्यावर प्रकाश टाकला . त्यानंतर जवळा , पू . येथील जामकर सर यांनी विद्या अभ्यास अंतर्गत या महिन्यातील लेखन वाचन संदर्भात संदर्भात राबवले जाणारे उपक्रम मार्गदर्शन केले . त्यानंतर श्री . संतोष आंबुलगेकर सरांनी शैक्षणिक समस्या , अडचणी व त्या वरील उपाय योजना याविषयी सविस्तर माहिती दिली .श्री ढवळे सरांनी देखील काही मद्दे विस्तृत पणे मांडले . प्रशासकीय सूचना देऊन आपले मोजक्या शब्दात केंद्राचे केंद्रप्रमुख तथा कार्यक्रमाचे अध्यक्ष श्री नागोराव जाधव यांनी विचार मांडले.
कार्यक्रमाचे सूत्रसंचालन श्री कैलासे सर प्रा. शा .दगडगाव . यांनी केले तर आभार प्रदर्शन श्री कदम एच . एच . प्रा. शा ., दगडगाव यांनी केले शेवटी दगडगाव. या शाळेचे मू. अ . व शिक्षक यांच्यातर्फे उपस्थितांना सुरूची भोजनाची व्यवस्थेने कार्यक्रमाची सांगता करण्यात आली. सदर शिक्षण परिषदेस अंतर्गत चे मुख्याध्यापक व केंद्रांतर्गत शिक्षक / शिक्षिका हे मोठ्या प्रमाणात उपस्थित होते.
