दैनिक चालु वार्ता 
दैनिक चालु वार्ता इंदापूर प्रतिनिधी-बापु बोराटे
निरा डाव्या कालव्यातून होणारी पाण्याची गळती, अवैध सायपण द्वारे होणारी पाणी चोरी रोखण्यासाठी या कालव्यावर शासनाने मंजुरी दिलेल्या ३० ते ३५ किलोमीटरच्या अस्तरिकरणाच्या कामास दहा गावातील शेतकऱ्यांनी एकत्र येऊन स्थापन केलेल्या शेटफळ तलाव बचाव कृती समितीने या कामास जाहीर पाठिंबा दिला आहे. समितीने आज ३०/८/२०२२ रोजी पुणे जिल्हा जलसंपदा विभागाचे मुख्य कार्यकारी अभियंता श्री.राजेंद्र धोडपकर , बारामती जलसंपदा विभागाचे श्री.आश्विन पवार यांना पाठिंब्याचे निवेदन देण्यात आले.
जेव्हा जेव्हा भराव खचल्यामुळे कालवा फुटून पाणी वाया गेले,तेंव्हा शेटफळ तलाव पूर्ण क्षमतेने भरलेला नाही. या कालव्यावर अवलंबून असलेल्या हजारो शेतकरीवर्गाचे काहीही झाले तर आम्हाला त्याचे काही देणे घेणे नाही,केवळ कालव्यातून वाहणारे पाणी,त्याच्या पाझरामुळे चाललेल्या विहीरी , कालव्यातून चाललेली सायफन यावर आमचाच हक्क आहे असे एकतर्फी मानून अस्तरीकरण होऊ देणार नाही ही भूमिका आततायीपणाची व कालव्याखालील शेतकरीवर्गावर अन्याय करणारी आसल्याचे मत शेटफळ तलाव बचाव कृती समितीचे अध्यक्ष पंडितराव पाटील यांनी व्यक्त केले.
वीर धरणातून निघणारा डावा कालवा हा शेवटच्या शेटफळ तलावापर्यंत पोचेपर्यंत १५२ किलोमिटरपर्यंतचा प्रवास करतो या कालव्यातून हा पृच्छ तलाव पावसाच्या अतिरिक्त पाण्याने दर वर्षी १५ ऑक्टोबरपर्यंत भरला जातो .काही वेळा कालव्याचा भराव जिथे कच्चा वकमकुवत आहे तिथे भराव पाण्याच्या दाबाने फुटतो,हे फुटण्याचे प्रमाण वाढत असल्यामुळे अस्तरीकरण करण्याचा निर्णय शासनाने घेतला.अशा स्तुत्य निर्णयास विरोध करणे योग्य नसल्याचे मत शेटफळ तलाव बचाव कृती समितीचे अध्यक्ष पंडितराव पाटील यांनी व्यक्त केले.त्यामुळे शासनाने घेतलेल्या अस्तरीकरणच्या कामास शेटफळ तलाव बचाव कृती समितीने जाहीर पाठिंबा दिला आहे.
महाराष्ट्र शासनाने कोणाचाही मुलाहिजा न ठेवता मंजूर काम तडीस न्यावे अशी संतप्त भावना या तलावावरील शेतकरयांनी व्यक्त केल्या आहेत. महाराष्ट्र शासनाने आपला अस्तरीकरणाचा निर्णय फिरवल्यास किंवा रद्द केल्यास प्रसंगी समितीला नाईलाजास्तव आंदोलन करावे लागेल याची नोंद संबंधित अधिकाऱ्यांनी घ्यावी. १२५ वर्ष होऊन अधिक वर्षाचा हा जुना कालवा दुरुस्त करणे हे नैसर्गिक व कायदेशीर दृष्टीने योग्यच आहे असे त्यांनी सांगितले.
यावेळी शेटफळ तलाव बचाव कृती समितीचे अध्यक्ष पंडितराव पाटील , कार्याध्यक्ष महादेवराव घाडगे , सरचिटणीस अजित टिळेकर , संकेत काटकर यांनी कॉक्रिटीकरण्याच्या कामास पाठिंबा देणारे निवेदन दिले.
