कौठा येथे शिवलिंग व नंदी प्राणप्रतिष्ठापणा सोहळ्याचे आयोजन 

दैनिक चालु वार्ता कंधार प्रतिनिधी- बाजीराव गायकवाड 

नांदेड(कंधार) :- महादेव मंदिर जीर्णोद्धारानिमित्त कौठा येथे शिवलिंग व नंदी प्राणप्रतिष्ठापणा दि ९ व १० फेब्रुवारी रोजी महादेव मंदिर येथे केदार जगद्गुरुच्या शूभ हस्ते शिवलिंग स्थापना व नंदी स्थापना इतर धार्मिक कार्यक्रमांचे आयोजन करण्यात आले आहे. कंधार तालुक्यातील कौठा येथे महादेव मंदिर जीर्णोधारीत प्रमुख गुरुवर्याच्या उपस्थितीत शिवलिंग व नंदी प्राणप्रतिष्ठापणा सोहळ्या निमित्त दि ९ फेब्रुवारी रोजी सकाळी धर्म ध्वजारोहण श्री शिध्ददयाळ शिवाचार्य महाराज बेटमोगरेकर व श्री विरूपाक्ष शिवाचार्य महाराज मुखेडकर यांच्या हस्ते होणार यावेळी जगद्गुरु भिमाशंकरलिंग शिवाचार्य महाराज , श्री शिवानंद शिवाचार्य महाराज तमलूरकर, श्री सोमलिंग शिवाचार्य महाराज बिचकुंदा ,श्री शंभुलिंग शिवाचार्य महाराज उदगीरकर, श्री दिगाबंर शिवाचार्य महाराज वसमत, श्री नामदेव महाराज बारुळ, श्री प्रणवानंद सरस्वती महाराज वृंदावन, श्री राजराजेश्वर गुरु शिवलिंग शिवाचार्य महाराज अहमदपूर आदि प्रमुख धर्म गुरुच्या उपस्थित विविध धार्मिक कार्यक्रमांचे आयोजन करण्यात आले आहे .दि ९ फेब्रुवारी रोजी दु ४ वाजता केदार जगद्गुरु व इतर गुरुवर्याचे आगमन व स्वागत सायंकाळी ७ वा धर्म सभा रात्री ९ ते ११ ,शि.भ.प.भगंवतराव पाटील चाभरेकर यांचे शिवकिर्तन दि १० रोजी सकाळी ८ वा होम हवन आदी विधी ११ वा श्री केदार जगद्गुरुच्या शूभ हस्ते शिवलिंग व नंदी प्राणप्रतिष्ठा सोहळा व महाप्रसादचे आयोजन करण्यात आले आहे तरी परिसरातील भाविकांनी लाभ घेण्याचे आवाहन गावकऱ्यांच्या वतीने करण्यात आले आहे