राष्ट्रीय पुरोगामी पत्रकार संघाच्या मराठवाडा महासचिव पदी संपादक उत्तम बाबळे यांची नियुक्ती

दैनिक चालु वार्ता भोकर प्रतिनिधी -विजयकुमार चिंतावार 

देश व राज्य पातळीवर सेवारत असलेल्या राष्ट्रीय पुरोगामी पत्रकार संघाच्या मराठवाडा महासचिव पदी संपादक उत्तम बाबळे यांची नुकतीच नांदेड येथे घेण्यात आलेल्या बैठकीत नियुक्ती करण्यात आली आहे त्यांच्या नियुक्ती चे विविध स्तरातून अभिनंदन होत आहे.

राष्ट्रीय पुरोगामी पत्रकार संघाच्या नांदेड जिल्हा कार्यालयात राज्य कार्याध्यक्ष प्रा.दशरथ रोडे यांच्या अध्यक्षतेखाली व राज्य उपाध्यक्ष गोपाळराव लाड,मराठवाडा अध्यक्ष अशोक वायवळ,नांदेड जिल्हाध्यक्ष शंकर सिंह ठाकुर,नांदेड जिल्हा कार्याध्यक्ष मारोती शिकारे,जिल्हा उपाध्यक्ष संजय राक्षसे,जिल्हा महासचिव प्रकाश कोल्हे यांच्या प्रमुख उपस्थितीत नांदेड येथील पुरोगामी पत्रकार संघाच्या कार्यालयात नुकतीच एक महत्त्वपूर्ण बैठक संपन्न झाली.या बैठकीत संस्थापक अध्यक्ष विजयजी सुर्यवंशी व राज्याध्यक्ष संतोष जाधव यांच्या सहमतीने आणि उपस्थितांच्या सर्वानुमते सामाजिक,शैक्षणिक, राजकीय व पत्रकारिता क्षेत्रातील प्रदीर्घ अनुभव असलेले आणि अन्याय अत्त्याचाराविरुद्ध लढणारे निर्भिड तथा अभ्यासू व्यक्तिमत्त्व संपादक उत्तम बाबळे यांची मराठवाडा महासचिव पदी नियुक्ती करण्यात आली आहे.

संपन्न झालेल्या या बैठकीत उपस्थितांनी अभिनंदन करुन भावी सेवाकार्यासाठी शुभेच्छा दिल्या आहेत.राष्ट्रीय पुरोगामी पत्रकार संघ भोकर च्या वतीने त्यांचे अभिनंदन करण्यात आले आहे.तसेच विविध स्तरातून ही अभिनंदन होत आहे.