नगरसेवक गटातुन सुभाष कासनगोट्टूवार ठरले उत्कृष्ठ नगरसेवक चंद्रपुर रत्न पुरस्काराचे मानकरी

दैनिक चालु वार्ता चंद्रपूर जिल्हा प्रतिनिधी- दीपक कटकोजवार 

चंद्रपूर भाजपा महानगर जिल्हा महामंत्री आणी दे. गो. तुकुम प्रभाग क्रमांक १ चे नगरसेवक श्री सुभाषभाऊ कासनगोट्टूवार यांना त्यांच्या कामाची व अथक परिश्रमाची पावती उत्कृष्ट नगरसेवक चंद्रपूर रत्न पुरस्काराचे स्वरूपात मिळाली असुन ते या पुरस्काराचे मानकरी ठरले आहे.

एका दैनिक डिजिटल व्हिडिओ न्यूज चॅनल द्वारा आयोजित कार्यक्रमात काल चंद्रपूर चे आमदार श्री किशोर भाऊ जोरगेवार, राष्ट्रीय इतर मागासवर्गीय आयोगाचे अध्यक्ष श्री हंसराज भैया अहिर , राष्ट्रीय ओबीसी महासंघाचे समन्वयक श्री अशोक भाऊ जीवतोडे आणि शिवसेनेचे ज्येष्ठ नेते रमेशभाऊ देशमुख यांच्या प्रमुख उपस्थितीत चंद्रपूर प्रेस क्लब चे अध्यक्ष व नवभारत चे जिल्हा प्रतिनिधी श्री संजय तायडे यांच्या हस्ते उत्कृष्ठ नगर सेवक चंद्रपूर रत्न हा पुरस्कार सुभाषभाऊ कासनगोट्टूवार यांना प्रदान करण्यात आला आहे.

या कार्यक्रमात विविध क्षेत्रातून उत्कृष्ट कामगिरी करणाऱ्यांना पुरुष ,महिला व बालक असे विविध पुरस्कार देण्यात आले परंतु नगरसेवक या गटातुन एकमात्र “सुभाषभाऊ कासनगोट्टूवार यांनाच उत्कृष्ट नगरसेवक चंद्रपूर रत्न पुरस्कार” देण्यात आला. आपल्या प्रभागात यांनी विविध उत्कृष्ट कामे केली आहे, जसे कुंदन प्लाझा हॉटेल ते लॉ कॉलेज रिंग रोड रद्द करण्यासाठी त्यांनी नागरिकांसह मोठे आंदोलन चालवले आणि शेवटी तो प्रस्ताव मंत्रालयातून रद्द करून शेकडो लोकांचे घर वाचवले, तसेच आपल्या प्रभागात स्वच्छता अभियान राबवून संपूर्ण जिल्ह्यातच नव्हे तर राज्यात नाव कमवले. तसेच आपल्या प्रभागात स्वच्छता अभियान राबवून संपूर्ण जिल्ह्यातच नव्हे तर राज्यात तीस लक्ष रुपयांचे पारितोषिक कमवले. परवाच चंद्रपूर महानगरपालिका द्वारा आयोजित स्वच्छता लिग स्पर्धेमध्ये ५१ हजार रु. नगदी व दहा लाख रुपये विकास कार्या करीता बक्षीस जिल्ह्याचे लोकप्रिय पालकमंत्री नामदार सुधीरभाऊ मुनगंटीवार ,लोकप्रिय आमदार किशोरभाऊ जोरगेवार यांचे हस्ते देण्यात आले . योगासाठी महिलांना व वृद्ध नागरिकांना सुख सुविधा उपलब्ध करून दिली , वंदनीय राष्ट्रसंत तुकडोजी महाराजांचे सांस्कृतिक सभागृह बांधकाम , प्रभागामध्ये १९गार्डन बांधण्यात आले, श्री स्वामी समर्थ सभागृह बांधण्यात आले,श्री माताजी निर्मला देवी अभ्यासिका व चैतन्य जेष्ठ नागरिक संघाचे सभागृह बांधकाम साठी निधी निधी उपलब्ध करून दिला , गरीब नागरिकांसाठी आरोग्य हेल्थ कार्ड ,बांधकाम कामगार कार्ड ,रेशन कार्ड, श्रमिक कार्ड, आधार कार्ड , आयुष्मान भारत कार्ड, मतदार नोंदणी, मोफत डोळे तपासणी शिबिर , चष्मे वाटप व १११ रुग्णांचे मोतीया बिंदूचे ऑपरेशन करण्यात आले तसेच त्यांच्या ऑफिसात रोज येणा-या असंख्य जनतेचे लहानांपासून तर मोठ्यांपर्यत सर्वांचे प्रश्न यशस्वीरित्या मनापासून हाताळून सोडवले आहेत. याशिवाय त्यांचा सततचा जनसंपर्क व असलेल्या मनमिळाऊ स्वभावामुळे प्रभागात त्यांची लोकप्रिय सेवक अशी प्रतिमा बनलेली आहे. या सर्व जमेच्या बाजु लक्षात घेवून त्यांना हा पुरस्कार देण्यात आला. मिळालेल्या पुरस्काराबद्दल आपल्या धन्यवादपर भाषणातून सुभाषभाऊंनी १००% समाजकारण यावरच माझा विश्वास असल्याचे प्रतिपादन केले.