ज्ञानेश्वर पाटील डुमणे यांची सैनिक फेडरेशन संघटना नांदेड जिल्हा अध्यक्ष पदी निवड.. !!! ग्रामीण भागातील प्रशिक्षित विद्यार्थ्यांसाठी राजे छत्रपती अकॅडमी एक वरदान

दैनिक चालु  वार्ता मुखेड प्रतिनिधी- शिवकुमार बिरादार

मुखेड दि. येथील प्रसिद्ध राजे छत्रपती सैन्य व पोलीस अकॅडमीचे संचालक माजी सैनिक ज्ञानेश्‍वर पाटील डुमने पाळेकर यांची सैनिक फेडरेशन संघटना नांदेड जिल्हा अध्यक्षपदी नियुक्ती करण्यात आली..

माजी खासदार तथा सैनिक फेडरेशनचे राष्ट्रीय अध्यक्ष सेवानिवृत्त ब्रिगेडियर सुधीरजी सावंत यांच्या हस्ते जिल्ह्यातील आजी-माजी सैनिक व संघटनेचे अनेक प्रमुख पदाधिकारी, फेडरेशनचे जनरल सेक्रेटरी डी एफ निंबाळकर यांच्या उपस्थितीत नियुक्ती करण्यात आली..

कोरोना सारख्या काळात लोकांना रक्ताची गरज ओळखून महारक्तदान सारखे अनेक सामाजिक उपक्रम राबविले आहे….

अकॅडमीच्या सुरुवातीपासूनच नांदेड तसेच महाराष्ट्रातील गरीब व ज्यांना आई-वडील नाहीत अशा अनाथ विद्यार्थ्यांना मोफत प्रवेश व प्रशिक्षण…सामाजिक कार्य पाहून जिल्ह्यातील अनेक प्रशासकीय अधिकारी अकॅडमी ला भेट देऊन त्यांचे कौतुक केले आहेत..

डुमणे पाटील यांची विद्यार्थ्यांच्या पाठीशी असणारी अहोरात्र खरी मेहनत,जिद्द व चिकाटीमुळे महाराष्ट्र तसेच बाहेर राज्यातील दर वर्षी हजारो विद्यार्थी व विद्यार्थिनी अकॅडमीत प्रशिक्षण घेत आहेत.

आजपर्यंत अकॅडमी मधून प्रशिक्षण घेऊन शेकडो विद्यार्थी देशाच्या विविध भागात कार्यरत आहेत.डुमणे पाटील यांच्या परिश्रमामुळे ग्रामीण भागातल्या गरीब विद्यार्थ्यांसाठी राजे छत्रपती अकॅडमी ही वरदान ठरली..

तसेच नांदेड जिल्ह्यामध्ये अनेक वर्षापासून सेवानिवृत्त सैनिकांचा सत्कार समारंभ व भव्य रॅली काढून सैनिकांचा आदर व भावनुकतेच वातावरण निर्माण केले.आणि त्यांचाच आदर्श आज महाराष्ट्र घेत आहे.