धाराशिव आरोग्य यंत्रणेचा कायापालट होणार,मंत्री सावंत यांनी स्त्री,उपजिल्हा व ग्रामीण रुग्णालयांना दिली मंजूरी

दैनिक चालु वार्ता उप संपादक धाराशिव-नवनाथ यादव

धाराशिव/भू म:- पालकमंत्री तथा सार्वजनिक आरोग्य व कुटूंब कल्याण मंत्री ना.प्रा.डॉ.तानाजीराव सावंत यांच्या विशेष प्रयत्नामुळे जिल्हयात स्त्री,उपजिल्हा व ग्रामीण रुग्णालयांना मंजूरी मिळालेली आहे. नागरिकांची रुग्णसेवा हीच ईश्वरसेवा म्हणून त्यांना सर्वात उत्कृष्ट अशी रुग्णसेवा मिळवण्यासाठी व आवश्यकता गरज लक्षात घेता हे रुग्णालय मंजूर करण्यात आले असून त्याचे बांधकाम लवकरच करण्यात येणार आहे. या जिल्ह्यातील आरोग्य यंत्रणेला मोठी बळकटी मिळणार असून आरोग्य विभागाचा कायापालट होणार आहे या माध्यमातून अनेक रोजगार निर्माण होणार आहेत.भूम येथे ३० खाटांचे ग्रामीण रुग्णालयाचे श्रेणीवर्धन करुन ५० खाटांचे उपजिल्हा रुग्णालयास मंजूरी मिळाली असून एकूण २४५३.०० लक्ष इतका निधी मंजूर करण्यात आले.सन २०२३-२४ मध्ये ६१३.२५ लक्ष इतक्या निधीस मंजूरी मिळाली असून जागा निश्चित करण्याची कार्यवाही चालू आहे. वाशी येथे ३० खाटांचे ग्रामीण रुग्णालयाचे श्रेणीवर्धन करुन ५० खाटांचे उपजिल्हा रुग्णालयास मंजूरी मिळाली असून एकूण २४५३.०० लक्ष इतका निधी मंजूर करण्यात आले.सन २०२३-२४ मध्ये ६१३.२५ लक्ष इतक्या निधीस मंजूरी मिळाली असून जुनी इमारत पाडून नवीन इमारत बांधण्याची कार्यवाही चालू आहे.वालवड ता.भूम येथे नविन ३० खाटांचे ग्रामीण रुग्णालयास मंजूरी मिळाली असून एकूण १७७५.०० लक्ष इतका निधी मंजूर करण्यात आले.सन २०२३-२४ मध्ये ४४३.७५ लक्ष इतक्या निधीस मंजूरी मिळाली असून जुनी इमारत पाडण्यासाठीची कार्यवाही चालू आहे.परंडा येथे १०० खाटांचे नविन स्त्री रुग्णालयास मंजूरी मिळाली असून एकूण ४३८६.०० लक्ष इतका निधी मंजूर करण्यात आले.सन २०२३-२४ मध्ये १०९६.५ लक्ष इतक्या निधीस मंजूरी मिळाली असून जागा निश्चित करण्याची कार्यवाही चालू आहे. परंडा येथील ५० खाटांचे उपजिल्हा रुग्णालयाचे श्रेणीवर्धन करुन १०० खाटांचे उपजिल्हा रुग्णालयास मंजूरी मिळाली असून एकूण ४३८६.०० लक्ष इतका निधी मंजूर करण्यात आले.सन २०२३-२४ मध्ये १०९६.५ लक्ष इतक्या निधीस मंजूरी मिळाली असून जागा निश्चित करण्याची कार्यवाही चालू आहे.