दै चालु वार्ता 
दैनिक चालु वार्ता उदगीर प्रतिनिधी -अविनाश देवकते
भाग – २
_________________________________
लातूर उदगीर :उदगीर नगरपरिषद आणि बांधकाम विभागाच्या अनागोंदी कारभारामुळे शहरातील रस्ते व नाल्यांची कामे रखडली आहेत. सर्वसामान्य नागरिकांना याचा त्रास होत असताना, काही निवडक ठेकेदार आणि राजकीय बड्या लोकांचे हितसंबंध जपले जात असल्याचे आरोप होत आहेत.
नगरपरिषदेच्या नियमानुसार सार्वजनिक बांधकामे अंदाजपत्रकानुसार आणि योग्य प्रक्रियेद्वारे पूर्ण होणे अपेक्षित आहे. मात्र, येथे परिस्थिती उलट दिसून येते. अनेक ठेकेदारांना राजकीय आश्रय मिळाल्याने, त्यांच्यावर कोणतेही नियंत्रण ठेवले जात नाही. परिणामी, रखडलेली कामे वर्षानुवर्षे अपूर्ण राहतात.
कामे अपूर्ण आणि दर्जाही निकृष्ट
गेल्या काही महिन्यांपासून खोदण्यात आलेले रस्ते आणि नाल्यांचे बांधकाम पूर्ण होण्याचे नाव घेत नाही. काही ठिकाणी सुरू असलेली कामे अत्यंत निकृष्ट दर्जाची आहेत. अंदाजपत्रकाप्रमाणे खर्च केला जात नसून, ठरावीक कंत्राटदारांकडेच काम सोपवले जात असल्यामुळे हे काम योग्य रीतीने पार पडत नाही.
विशेष म्हणजे, या ठेकेदारांना नगरसेवक, माजी नगरसेवक, लोकप्रतिनिधी आणि राजकीय पदाधिकाऱ्यांचे पाठबळ असल्याने, त्यांच्या विरोधात कोणतीही कारवाई होत नाही. अनेक कामे अशीच अर्धवट सोडली जातात आणि नवीन टेंडर काढून पुन्हा कामे मंजूर केली जातात.
नागरिकांनी वेळोवेळी यासंदर्भात तक्रारी केल्या असल्या तरी नगरपरिषदेतील अधिकारी आणि अभियंते कुठलाही ठोस निर्णय घेत नाहीत. त्यामुळे लोकांमध्ये तीव्र संतापाची भावना निर्माण झाली आहे.
____________________________________
भाग – ३
“रखडलेली विकासकामे आणि वाढता जनक्षोभ – प्रशासनाला धडा शिकवण्याची वेळ आली?”
या भागात नागरिकांच्या वाढत्या रोषाबद्दल, प्रशासनाच्या निष्क्रियतेमुळे निर्माण झालेल्या समस्यांबद्दल आणि संभाव्य जनआंदोलनाबद्दल माहिती दिली जाईल. प्रशासनावर दबाव टाकण्यासाठी नागरिक कोणते पाऊल उचलू शकतात? याचा सखोल आढावा पुढील भागात घेण्यात येईल.
____________________________________
