चौकीतच आला पोलिसाला ह्रदय विकाराच्या झटका

दैनिक चालु वार्ता पुणे प्रतिनिधी – शाम पुणेकर.

पुणे :पिंपरी-चिंचवड मधील कर्तव्यावर असताना पोलीस कर्मचाऱ्याचा हृदय विकाराच्या झटक्याने निधन झाल्याची घटना घडली. दिलीप बोरकर (वय- ३६) असे निधन झालेल्या पोलीस कर्मचाऱ्याचे नाव आहे. ते शिरगाव चौकीत नाईक पदावर कार्यरत होते. आज सकाळपासूनच त्यांना बर नव्हते, दुपारी जेवण झाल्यानंतर अस्वस्थ वाटू लागल्याने झोपले. तेव्हाच त्यांचा मृत्यू झाल्याचे निकटवर्तीयांना समजले.

दिलीप बोरकर हे पिंपरी-चिंचवड पोलीस आयुक्तालयातील शिरगाव चौकीत कार्यरत होते. मनमिळावू आणि मितभाषी अशी त्यांची ओळख होती. सकाळपासून त्यांची प्रकृती ठीक नव्हती. त्यांनी तसं इतर सहकार्यांना सांगितलं. दुपारी इतर पोलीस सहकाऱ्यांबरोबर जेवण केलं. जेवण झाल्यानंतर अस्वस्थ वाटत असल्याने ते चौकीतच झोपले. त्यांना उठवण्यासाठी पोलीस कर्मचारी गेले, तेव्हा त्यांनी कुठलाच प्रतिसाद दिला नसल्याने त्यांना तातडीने खासगी रुग्णालयात नेल्यावर तिथं, डॉक्टरांनी त्यांना मृत घोषित केले. त्यांचे हृदयविकाराच्या झटक्याने निधन झाल्याचं सांगण्यात आले. सर्वत्र हळहळ व्यक्त होत आहे.